Mér finnst rigningin góð! febrúar 16, 2008
Posted by rognvaldur in Blogg, Myndir.3 comments
Rosalega er ég sáttur með rigninguna og hitann sem fylgir henni, ég fíla ekki snjóinn mjög vel, sérstaklega þegar hann ætlar að hanga svona lengi. Það er oft talað um að rigningin sé svo þunglyndisleg, fólk verður bara í verra skapi, en á veturna þá finnst mér eiginlega bara fínt að hafa rigningu frekar en snjó.
Þó það hafi hlýnað smávegis þá þýðir það ekki að maður geti bara hoppað út í peysu eða á bol. Ég varð því mjög ánægður þegar Helga Björg samþykkti að sitja fyrir hjá mér í útimyndatöku, á hlýrabol! Fórum meira að segja út í fjöru, svo ekki var nú skjólið mikið. Hún tók sannkallað ANTP á þetta og setti upp módelsvipinn, held henni hafi orðið á tímabili svo kalt að hún var hætt að finna fyrir því! Myndatakan var fyrir keppni á Flickrinu, í Garðarbæjar grúppunni. Þemað er “Svarthvítt Portrait” og ég sendi inn myndina sem þið sjáið hérna. Takk kærlega fyrir hjálpina Helga Björg!
Svo er fótboltinn búinn að vera á góðri siglingu hvað varðar æfingar og nú fara sífellt fleiri leikir að detta inn. Við spiluðum við Hött síðasta laugardag og unnum 3-2. Í dag spilum við svo við Grindavík kl. 16:45 í Kórnum í Kópavogi, það er mjöög gott að spila þar inni.
Læt þetta duga í bili, hérna er myndin sem ég ætla að nota í keppnina
Nýtt blogg febrúar 4, 2008
Posted by rognvaldur in Blogg, Myndir, Youtube.1 comment so far
Jæja þá ætla ég að fara að blogga eitthvað aftur, ekki viss um hversu lengi ég endist í þetta skiptið. Það eru komin tæp tvö ár frá síðasta bloggi og ég ætlaði upphaflega að endurvekja gömlu blogspot síðuna, en ég fann þetta kerfi og þvílíkur munur! WordPress til sigurs!
Ég er með myndirnar mínar á Flickr síðu, www.flickr.com/roggi og þar getið þið séð flestar myndirnar mínar. Er að skjóta fyrir Garðapóstinn/Kópavogspóstinn í hlutastarfi og ég verð að segja að þó að sum verkefnin séu ómerkileg og hálfleiðinleg þá er ég alveg sáttur við þetta. Skilar mér allavega reynslu og ekki slæmt að hafa þetta á CV þegar ég ætla að reyna að komast eitthvað áfram í þessum bransa.
Þessi myndi skilaði mér 1.sæti í keppni í Garðarbæjargrúppunni á Flickr, þemað var vísun í nafn á hljómsveit eða í lag og ég valdi “Chemical Brothers”. Sindri átti reyndar hugmyndina að þessu, við útfærðum þetta svo í sameiningu.
Enda þetta svo á þessum snillingi!
